ინფო-თბილისი, საქართველო
თავფურცელი
თბილისის აფიშა
კინოთეატრები
თეატრები
ცოცხალი მუსიკა
კონცერტები
გამოფენა
სპორტი
ინფო-თბილისის გზამკვლევი
ინფო-თბილისი თრეველი
დაჯავშნა
ქალაქი თბილისი
საჭირო ინფორმაცია
ჩვენს შესახებ
შემოგვიერთდით
ინფო-თბილისი ელ-ფოსტა 



თბილისის აფიშა
<< November 2018 >>
ორ სმ ოთ ხთ პრ შბ კვ
      1234
567891011
12131415161718
19202122232425
2627282930  







ENG | GEO | RUS

AD


თბილისის აფიშა - გამოფენა 7 ივნისი, 2018წ.
---

გამოფენა ეთერ მეტრეველის ნამუშევრების გამოფენა „ორმხრივი ფრუსტრაცია“

საქართველოს ეროვნული მუზეუმი წარმოგიდგენთ ეთერ მეტრეველის ნამუშევრების გამოფენას „ორმხრივი ფრუსტრაცია“ თბილისის ისტორიის მუზეუმში.
გამოფენაზე წარმოდგენილი იქნება მხატვრის 15 ფერწერული ნამუშევარი.
გამოფენის მხატვრული კონცეფცია სახელოვნებო ტენდენციის საპასუხოდ განვითარებული აზრის ასახვაა - პირველ და მეორე მსოფლიო ომს შორის აღმოცენებული სახელოვნებო მიმდინარეობა „ახალი ობიექტურობა“ მკაცრ რეალიზმს და მაქსიმალურ სიზუსტეს მიმართავს სინამდვილის გადმოსაცემად.
სწორედ რომ ექსპოზიციაზე წარმოდგენილი ნამუშევრები სინამდვილისა და მისი გარდაქმნების მტკივნეულ თემებს ეხება.
ეთერ მეტრეველმა დაამთავრა თბილისის სამხატვრო აკადემიის რესტავრაციის ფაკულტეტი.
გაემგზავრა საფრანგეთში, სადაც დაამთავრა ვალენსიენის უნივერსიტეტის სახვითი ხელოვნების ფაკულტეტის ბაკალავრიატი და მაგისტრატურა.
ყოველწლიურად იღებდა მონაწილეობას უნივერსიტეტის სამხატვრო გამოფენებში. ამან ხელი შეუწყო მხატვრის შემოქმედებითი ძიებების ჩამოყალიბებას.
პროექტი საშუალებას გვაძლევს განვიხილოთ თანამედროვე ქართული მხატვრობის სიახლეები და მისი ძიებები.
18:00

იოსებ გრიშაშვილის სახელობის თბილისის ისტორიის მუზეუმი (ქარვასლა)
სიონის ქუჩა 8
18 სექტემბერი - 4 ოქტომბერი
---
გამოფენა საქართველოს ეროვნული მუზეუმი წარმოგიდგენთ გამოფენას „ერთიანობა განსხვავებულობაში.

ბრისტოლი და თბილისი: 1988-2018" თბილისის ისტორიის მუზეუმში. გამოფენა ეძღვნება ბრისტოლისა (დიდი ბრიტანეთი) და თბილისის დაძმობილების (Twinning) 30-ე წლის იუბილეს.
დაძმობილება სათავეს იღებს მეორე მსოფლიო ომის შემდეგ - ეს იყო კარგი საშუალება, რომ სხვადასხვა ქვეყნისა და კულტურის წარმომადგენლებს ერთმანეთი უკეთ გაეცნოთ და დამეგობრებულიყვნენ.
ბრისტოლისა და თბილისის ურთიერთობა 1988 წელს დაიწყო, მაშინ, როდესაც საქართველო ჯერ კიდევ საბჭოთა კავშირის ნაწილი იყო.
თბილისის ისტორიის მუზეუმში წარმოდგენილი გამოფენა ასახავს ამ ორ ქალაქს შორის კულტურულ, საგანმანათლებლო და მოქალაქეობრივ ურთიერთობებს დასაწყისიდან დღემდე.
გამოფენა თავს მოუყრის ქართველ და ბრიტანელ მხატვრებს, რომლებიც 30 წლის მანძილზე მონაწილეობდნენ გამოფენებსა და ფესტივალებზე თბილისსა და ბრისტოლში. ასევე, სხვა საერთაშორისო აღიარების მქონე მხატვრებს და დამწყებ ტალანტებს ორივე ქალაქიდან.
მონაწილეებს შორის არიან: მარტინ გრიმერი, ჯემალ გუგუნავა, მეგან ჰოილი, ბენჯამინ ჯონსი, მარიელ ნიუდეკერი, მეგი როილი, თეა გვეტაძე, მამუკა ჯაფარიძე, მაია ნავერიანი, კოკა რამიშვილი, გურამ წიბახაშვილი, ილიკო ზაუტაშვილი, ლალი აერსი, ანდრიუ ბარნს კოლვილი, მარტინ ედვარდსი, მარკ ჰეივარდი, ბაჩა ხოფერია (Dr. Love) როზი მაკლეი, იური მეჩითოვი, ოთო ცაგარეიშვილი და თამუნა წახნაკია (Tamoonz). >/br> 18:00

იოსებ გრიშაშვილის სახელობის თბილისის ისტორიის მუზეუმი
სიონის ქ. 8
19 სექტემბერი - 4 ოქტომბერი
---
გამოფენა ქართული ღვინის ფესტივალი 2018
12:00-19:00
ღვინის ონლაინმაღაზია და მედიაპორტალი allwine.ge-სა და "მეიდან ჯგუფის" ორგანიზებით, ქართული ღვინის მწარმოებლები, გრანდიოზული ფესტივალისთვის ემზადებიან - სადაც მცირე, საშუალო და დიდი მეღვინეები ფესტივალის სტუმრებს საკუთარ ღვინოებს წარუდგენენ.

სიონის ქუჩა

13 ოქტომბერი - 13 ოქტომბერი
---
გამოფენა ზაალ სულაკაურის პერსონალური გამოფენა
18:00

ზალიკოს გალერეა
ყაზბეგის გამზირი 34
10 ნოემბერი - 16 ნოემბერი
---
გამოფენა საქართველოს პირველი დემოკრატიული რესპუბლიკის დაარსებიდან 100 წლის იუბილეს აღსანიშნავად იუსტიციის სამინისტროს ეროვნული არქივის საგამოფენო პავილიონში 25 მაისიდან დამთვალიერებელი საქართველოს პირველი დემოკრატიული სახელმწიფოს დამფუძნებელი დოკუმენტების დედნებს იხილავს.

გამოფენაზე წარმოდგენილი იქნება 1918-1921 წლების საქართველოს ისტორიის უმნიშვნელოვანეს დოკუმენტებს, მათ შორისაა:
  • 1918 წლის 26 მაისის საქართველოს დემოკრატიული რესპუბლიკის დამოუკიდებლობის აქტის დედანი;
  • 1921 წლის 21 თებერვალს მიღებული საქართველოს კონსტიტუცია, დედანი;
  • საქართველოს დემოკრატიული რესპუბლიკის გერბისა და შტანდარტის ორიგინალები;
  • 1918-1921 წლების ისტორიის ამსახველი უნიკალური ფოტო და კინოდოკუმენტები.
  • 10:00-20:00

    საქართველოს ეროვნული არქივი
    ვაჟა-ფშაველას N1
    https://www.facebook.com/events/209416193195620/
    30 მაისი - 14 ივნისი
    ---
    გამოფენა გალერეა წითელი კვადრატი წარმოგიდგენთ მიშა ბალავაძის პერსონალურ გამოფენას - ,,დაიჭირე წამი"
    გამოფენის გახსნა:07.06.2018, 19.00 სთ-ზე
    გამოფენა გაგრძელდება:21.06.2018- მდე

    გალერეა წითელი კვადრატი
    ფალიაშვილის 88
    7 ივნისი - 21 ივნისი
    ---
    გამოფენა საქართველო, გლობალურ კომპანიებთან და ქართულ საგანმანათლებლო და კვლევით დაწესებულებებთან ერთად, ერთვება კოსმოსის ათვისების პროექტში.
    NASA-ს ასტრონავტების მიერ კოსმოსურ სადგურზე საკვების მოყვანის რამდენიმე წარმატებული ექსპერიმენტი უკვე განხორციელდა, რაც სხვა მცენარეული კულტურის გამრავლებისთვის მნიშვნელოვანი ნაბიჯია. პოტენციალი, რომელიც საქართველოს ამ მიმართულებით მუშაობისთვის გააჩნია, მსოფლიოში უნიკალურია, რადგან იგი ვაზის კულტივაციის უძველეს კულტურას ეხება.
    საქართველოში ინიცირებული პროექტის პირველ ეტაპზე, საინიციატივო ჯგუფი ფორმირდება შემდეგი შემადგენლობით: საქართველოს განათლებისა და მეციერების სამინისტრო, საქართველოს ეროვნული მუზეუმი, ბიზნესისა და ტექნოლოგიების უნივერსიტეტი, კომპანია Microsoft-ის წარმომადგენელი ნიკოლოზ დობორჯგინიძე და კომპანია SpaceFarms - მომავლის სათბურის წარმომადგენლები.

    ს. ჯანაშიას სახელობის საქართველოს მუზეუმი
    შ. რუსთაველის გამზირი 3
    20 ივნისი - 20 ივნისი
    ---
    გამოფენა #ამოდი ეთნოგრაფიულ მუზეუმში, წამოიღე შენი წიგნი, გაამრავალფეროვნე მუზეუმის ღია ბიბლიოთეკა და დატოვე ჩანაწერი ახალი მკითხველისთვის!
    მუსიკა: Halfmyth
    არტისტი: ლევან მიქელაძე
    სტუმრებს გაუმასპინძლდება მეღვინეობა ,,შილდა“
    ღონისძიების ტექნიკური მხარდამჭერი: Georgian Conference Time (GCT)>/br> 20:00

    გ. ჩიტაიას სახელობის ეთნოგრაფიული მუზეუმი ღია ცის ქვეშ
    კუს ტბის გზა 1
    3 ივლისი - 3 ივლისი
    ---
    გამოფენა წითელი ჯვრის საერთაშორისო კომიტეტის დელეგაცია საქართველოში • არ დამივიწყო
    მერაბ ბერძენიშვილის სახელობის საერთაშორისო კულტურული ცენტრი „მუზა“
    ქ.თბილისი, კუს ტბის ქუჩა #1.
    http://info-tbilisi.com/icrc/
    30 აგვისტო - 2 სექტემბერი
    ---
    გამოფენა ბერნინის სკოლა და რომაული ბაროკო
    ლეონარდო და ვინჩის, მიქელანჯელოს, რაფაელის, ბოტიჩელის, ტიციანის და სხვა დიდი იტალიელი მხატვრების ნამუშევრების შემდეგ საქართველოს ეროვნული მუზეუმი და იტალიის საელჩო საქართველოში წარმოგიდგენთ გამოფენას „ბერნინის სკოლა და რომაული ბაროკო".
    დიმიტრი შევარდნაძის სახელობის ეროვნულ გალერეაში გამოფენაზე „ბერნინის სკოლა და რომაული ბაროკო" დამთვალიერებელი გაეცნობა ბერნინისა და XVII საუკუნის სხვა იტალიელი ოსტატების შედევრებს, რომლებიც დაცულია რომის მახლობლად მდებარე რომაული ბაროკოს მუზეუმში „პალაცო კიჯი ინ არიჩა". გამოფენაზე წარმოდგენილი იქნება 60-მდე ნამუშევარი. მათ შორის: ფერწერული და გრაფიკული პორტრეტები, ავტოპორტრეტები, პეიზაჟები, სხვადასხვა ფრესკისთვის მოსამზადებელი ესკიზები, ბრინჯაოს მედლები, კედლის დეკორები - ტყავისა და აბრეშუმის საკიდები, დეკორატიული ლამპა და სხვა.

    დ. შევარდნაძის სახელობის ეროვნული გალერეა
    რუსთაველის გამზირი 11
    11 სექტემბერი - 25 სექტემბერი
    ---
    გამოფენა საქართველოს იუსტიციის სამინისტროს ეროვნული არქივის კინოთეატრი კანადური კინოს დღეებს მასპინძლობს. რეტროსპექტივა კანადური მხატვრული, დოკუმენტური და ანიმაციური ფილმების ოთხი სეანსისგან შედგება.
    ვაჟა-ფშაველას გამზ. 1
    კანადური კინოს დღეების პროგრამა:

    23 სექტემბერი. 12:00.
    ანიმაციური და ექსპერიმენტული ფილმების პროგრამა ბავშვებისთვის

    შორს მოსაწყენო საზრუნავო
    სეირნობა
    შობა მუსის ფაბრიკაში
    მეფოკუსე
    კატა დაბრუნდა
    ქინქლას სიმღერა
    ბიჭი, რომელმაც აისბერგი დაინახა
    მე და ჩემი მულტონი
    ქუუჯუაქის ჰოკეი

    23 სექტემბერი. 19:00.
    „პატარა გოგო, რომელსაც ასანთი მეტისმეტად უყვარდა“

    24 სექტემბერი. 19:00.
    „დაუდეგარი, მოუსვენარი“

    25 სექტემბერი. 19:00.
    „მონადირეები“. რეჟ. მოშა მიქაელი
    „გაბრაზებული ინუკი“. რეჟ: ალეთეა არნაკუკ-ბარილი
    23 სექტემბერი - 25 სექტემბერი
    ---
    გამოფენა ფოტოგამოფენა „დიეგო და ფრიდა. ღიმილი შუა გზაზე“

    „დიეგო და ფრიდა“. ღიმილი შუა გზაზე“ - საქართველოს ეროვნული მუზეუმი, მექსიკის შეერთებული შტატების საელჩო საქართველოში და საქართველოს საგარეო საქმეთა სამინისტრო სიღნაღის მუზეუმში წარმოგიდგენთ ფოტოგამოფენას დიეგო რივერასა და ფრიდა კალოს სტუდია-მუზეუმიდან (Museo Casa Estudio Diego Rivera y Frida Kahlo).
    მე-20 საუკუნის ამ ცნობილი წყვილის პირადი ცხოვრების ამსახველი გამოფენა პირველად 2002 წელს მოეწყო დიეგო რივერასა და ფრიდა კალოს სტუდია-მუზეუმში. მას შემდეგ გამოფენა მოგზაურობს სხვადასხვა ქვეყანაში.
    სიღნაღის მუზეუმის ექსპოზიციაზე იხილავთ ფრიდასა და დიეგოს ყოველდღიური ცხოვრების ამსახველ 100-მდე ფოტონამუშევარს. მექსიკის ხელოვნების ისტორიაში გამორჩეული წყვილის ყოველდღიური ცხოვრება, ხელმეორედ ქორწინება, სახელოსნოში მუშაობის პროცესი მოექცა არაერთი ფოტოგრაფის ობიექტივში. მათ შორის არიან: გილერმო კალო, პიტერ ჯული, გილერმო ზამორა, ნიკოლა მიურეი, ედვარდ ვესტონი, მანუელ ალვარეს ბრავოსა და ხუან გუსმანი.
    16:00

    სიღნაღის მუზეუმი, შ. რუსთაველის ჩიხი 8. სიღნაღი, საქართველო

    28 სექტემბერი - 7 ნოემბერი
    ---
    გამოფენა გამოფენა „ვიყოთ ერთად“
    18 ოქტომბერს, საქართველოს ეროვნული მუზეუმის თბილისის ისტორიის მუზეუმი, პროექტის „თანამედროვე ხელოვნების გალერეა" ფარგლებში, გიწვევთ გამოფენაზე „ვიყოთ ერთად".
    გამოფენა წარმოადგენს პროექტის „ლოკალურიდან გლობალურამდე" ნაწილს და გვიჩვენებს ბრიტანელი და ქართველი მხატვრების ორკვირიანი ვორქშოფის შედეგად შექმნილ ნამუშევრებს. „ვიყოთ ერთად" გულისხმობს ადამიანთა ჯგუფს (რომლებიც ერთად იკრიბებიან) და შეგროვების, მოძიებისა და შეკრების აქტს.
    „არტელი რაჭა" ორი კვირის განმავლობაში მხატვრებისათვის განსაკუთრებული ადგილი გახდა. ვორქშოფმა შექმნა სივრცე გარემოს შესწავლისა და ექსპერიმენტისათვის, აქტიურ პროცესებზე დაკვირვებით ერთმანეთისგან სწავლისათვის, უცნობისა და ნაცნობის ერთად აღმოჩენისათვის. შეიქმნა კულტურული განსხვავებების აღნიშვნის სივრცე და ბრიტანელ და ქართველ ხელოვანთათვის შემდგომი თანამშრომლობის პერსპექტივები.

    იოსებ გრიშაშვილის სახელობის თბილისის ისტორიის მუზეუმი (ქარვასლა)
    სიონის ქუჩა 8.
    18 ოქტომბერი - 2 ნოემბერი
    ---
    გამოფენა 19 ოქტომბერს 18:30, საქართველოსა და იტალიის ურთიერთობების შესახებ საარქივო დოკუმენტებისა და ფოტოების გამოფენა სახელწოდებით - „საქართველო და იტალია მეგობრობის ისტორია“ იუსტიციის სამინისტროს ეროვნული არქივის საგამოფენო პავილიონში გაიხსნება.
    ღონისძიებას დაესწრებიან: იტალიის ელჩი საქართველოში ანტონიო ენრიკო ბარტოლი, იუსტიციის სამინისტროს, დიპლომატიური კორპუსის, სახელმწიფო, საგანმანათებლო დაწესებულებების წარმომადგენლები.
    საქართველოსა და იტალიას შორის ურთიერთობის ამსახველ გამოფენაზე წარმოდგენილი იქნება ორი ქვეყნის მეგობრობის დამადასტურებელი დოკუმენტები, წერილები და ფოტომასალა, XVII საუკუნიდან დღემდე.



    19 ოქტომბერი - 19 ნოემბერი
    ---
    გამოფენა მე-20 საუკუნის ცნობილი წყვილის პირადი ცხოვრების ამსახველი გამოფენა „დიეგო და ფრიდა. ღიმილი შუა გზაზე" პირველად 2002 წელს მოეწყო დიეგო რივერასა და ფრიდა კალოს სტუდია-მუზეუმში (Museo Casa Estudio Diego Rivera y Frida Kahlo), საიდანაც მოგზაურობს სხვადასხვა ქვეყანაში.

    ამჯერად თბილისში, ექსპოზიციაზე იხილავთ ფრიდასა და დიეგოს ყოველდღიური ცხოვრების ამსახველ 100-მდე ფოტონამუშევარს. მექსიკის ხელოვნების ისტორიაში გამორჩეული წყვილის ყოველდღიური ცხოვრება, ხელმეორედ ქორწინება, სახელოსნოში მუშაობის პროცესი მოექცა ისეთი ფოტოგრაფების ობიექტივში როგორებიც არიან: გილერმო კალო, პიტერ ჯული, გილერმო ზამორა, ნიკოლა მიურეი, ედვარდ ვესტონი, მანუელ ალვარეს ბრავოსა და ხუან გუსმანი.

    დიეგიოსა და ფრიდას ურთიერთობა 25 წელს გაგრძელდა - ქორწინებიდან (1929) ფრიდას გარდაცვალებამდე (1954). ქორწინება სავსე იყო სიყვარულით, სიძულვილითა და ბრძოლით. ისინი არაერთხელ გაშორდნენ და შერიგდნენ. უთანხმოებებისა და განშორებების მიუხედავად, ორივემ ისწავლა თუ როგორ უნდა ჰყვარებოდათ ერთმანეთი და შეენარჩუნებინათ ურთიერთობა.

    სიმონ ჯანაშიას სახელობის საქართველოს მუზეუმი
    შ. რუსთაველის გამზ. 3
    30 ოქტომბერი - 4 ნოემბერი
    ---
    გამოფენა საქართველოს ეროვნული მუზეუმი, კატინის მუზეუმთან და პოლონურ ინსტიტუთან თანამშრომლობით, წარმოგიდგენთ გამოფენას „კატინი - დღე განსაკუთრებულად დაიწყო" სიმონ ჯანაშიას სახელობის საქართველოს მუზეუმის ოკუპაციის საგამოფენო დარბაზში.

    გამოფენა ეძღვნება საბჭოთა ოკუპაციის დროს კატინში დაღუპულთა ხსოვნას.

    კატინის ხოცვა-ჟლეტის დროს დაიღუპა დაახლოებით 22 ათასი პოლონელი ტყვე. მათი მკვლელობა მოხდა 1940 წლის გაზაფხულზე შინაგან საქმეთა სახალხო კომისარიატის (НКВД-ს) დანაყოფების მიერ. ტყვეთა ოჯახის წევრების მიმართ განხორციელდა რეპრესიები, გადასახლებები. იყო ხანგრძლივი დუმილი საერთაშორისო არენაზე საბჭოთა რეჟიმის მიერ განხორციელებულ გენოციდზე, მაშინ როცა მასობრივი სიკვდილით დასჯის ისტორია საბჭოთა ოკუპაციის ქვეშ მყოფი პოლონელებისთვის რთული ეტაპის დასაწყისი იყო.

    სიმონ ჯანაშიას სახელობის საქართველოს მუზეუმი
    შ. რუსთაველის გამზ. 3
    6 ნოემბერი - 30 ნოემბერი
    ---




    თბილისის აფიშა
    << November 2018 >>
    ორ სმ ოთ ხთ პრ შბ კვ
          1234
    567891011
    12131415161718
    19202122232425
    2627282930  
    რეკლამა
    ---
    AD