ინფო-თბილისი, საქართველო
თავფურცელი
თბილისის აფიშა
კინოთეატრები
თეატრები
ცოცხალი მუსიკა
კონცერტები
გამოფენა
სპორტი
ინფო-თბილისის გზამკვლევი
ინფო-თბილისი თრეველი
დაჯავშნა
ქალაქი თბილისი
საჭირო ინფორმაცია
ჩვენს შესახებ
შემოგვიერთდით
ინფო-თბილისი ელ-ფოსტა 



თბილისის აფიშა
<< April 2019 >>
ორ სმ ოთ ხთ პრ შბ კვ
1234567
891011121314
15161718192021
22232425262728
2930     







ENG | GEO | RUS

AD


თბილისის აფიშა - გამოფენა 29 ოქტომბერი, 2018წ.
---

გამოფენა ზაალ სულაკაურის პერსონალური გამოფენა
18:00

ზალიკოს გალერეა
ყაზბეგის გამზირი 34
10 ნოემბერი - 16 ნოემბერი
---
გამოფენა გამოფენა „წითელი ტერორი და ქართველი მხატვრები“

საქართველოს ეროვნული მუზეუმი წარმოგიდგენთ გამოფენას „წითელი ტერორი და ქართველი მხატვრები“ სიმონ ჯანაშიას სახელობის საქართველოს მუზეუმში.
ისტორიაში სტალინური „წითელი ტერორის“ სახელით შესული მასობრივი რეპრესიები საზოგადოების ყველა ფენასა და ასაკობრივ კატეგორიას შეეხო.
რეპრესიების შედეგად ქართველმა სახელოვნებო საზოგადოებამაც უდიდესი დარტყმა განიცადა.
რეპრესიებს შეწირული ქართველი და საქართველოში მცხოვრები სხვა ეროვნების მხატვრების უმეტესობის სამხატვრო და საზოგადოებრივი მოღვაწეობა ათწლეულებს ითვლიდა და ისინი ქვეყანაში მიმდინარე სახელოვნებო პროცესების ავანგარდში იდგნენ.
ჰენრიკ ჰრინევსკი, დიმიტრი შევარდნაძე, ვახტანგ კოტეტიშვილი, რიჰარდ ზომერი, პეტრე ოცხელი კონტრ-რევოლუციონერობისა თუ ჯაშუშობის ბრალდებით გაასამართლეს და დახვრიტეს 1937-1938 წლებში.
წლები გაატარეს გადასახლებაში კირილ ზდანევიჩმა, ივანე პატარიძემ, ვასილ შუხაევმა. „ხალხის მტრის ოჯახის წევრის“ ბრალდებით მოიხადეს სასჯელი მოქანდაკე რაისა მიქაძემ და მხატვარმა ნინო ზაალიშვილმა, ეთნიკური ნიშნით გაასამართლეს მხატვარი მარია ჰერცფილდ-ჯაჯანიძე.
ისინი კი, რომლებიც დახვრეტასა და გადასახლებას გადაურჩნენ, არსებობას განაგრძობდნენ ქვეყანაში, სადაც ყოველდღიურად ეზღუდებოდათ თავისუფლება, ხოლო შემოქმედებითი ცხოვრება მკაცრი სახელოვნებო ცენზურის მორჩილებაში უწევდათ.

გახსნა: 11 დეკემბერი, 18:00 საათი.

სიმონ ჯანაშიას სახელობის საქართველოს მუზეუმი
შ. რუსთაველის გამზ. 3
11 დეკემბერი - 1 მარტი
---
გამოფენა ვახო ხეთაგურის პერსონალური გამოფენა - მონოლოგი

საქართველოს ეროვნული მუზეუმი წარმოგიდგენთ ქართველი ფოტოგრაფის ვახო ხეთაგურის პერსონალურ გამოფენას „მონოლოგი” თბილისის ისტორიის მუზეუმში.
გამოფენა შემთხვევითობას, ხილულის და უხილავის, მახსოვრობის და მასალის ურთიერთქმედებას იკვლევს და ცდილობს უპასუხოს კითხვებს: როგორ ითარგმნება ეს ცნებები მასალის ენაზე? როგორ პასუხობს თიხა ესთეტიკურ ამოცანებს? როგორ ხდება თიხის ფუნქციურობის და ფიზიკურობის ვიზუალურ კონცეფციად გარდაქმნა?
ვახო ხეთაგური თანამედროვე ქართული ფოტოგრაფიის ახალგაზრდა თაობის ერთ-ერთი გამორჩეული წარმომადგენელია. მონოლოგი რეტროსპექტიული გამოფენაა, რომელიც ავტორის 12 სერიას აერთიანებს. წარმოდგენილი სერიები რვა სხვადასხვა ქვეყანაშია შესრულებული. განსხვავებულია მათი ტექნიკა და ჟანრები - კონცეპტუალური, დოკუმენტური და ჟურნალისტური. ავტორი ერთნაირი წარმატებით ახერხებს თემის სიღრმისეულ გააზრებასა და ემოციური თხრობითი ხაზის შექმნას. ფოტოგრაფის ხელწერას გამოარჩევს მის მიერ ინტროსპექტიულ და სოციალურ თემაზე შექმნილი შავ-თეთრი ფოტოსერიები.

გამოფენის გახსნა: 2 თებერვალი, 2019 16:00 საათი
გამოფენის ხანგრძლივობა: 2-15 თებერვალი, 2019
მისამართი: იოსებ გრიშაშვილის სახელობის თბილისის ისტორიის მუზეუმი (ქარვასლა), სიონის ქუჩა 8.

იოსებ გრიშაშვილის სახელობის თბილისის ისტორიის მუზეუმი (ქარვასლა)
სიონის ქუჩა 8.
2 თებერვალი - 15 თებერვალი
---
გამოფენა ომარ და მანანა კაჭკაჭიშვილების გამოფენა თბილისის ისტორიის მუზეუმში

საქართველოს ეროვნული მუზეუმი წარმოგიდგენთ ომარ და მანანა კაჭკაჭიშვილების ნამუშევრების გამოფენას თბილისის ისტორიის მუზეუმში.
ომარ კაჭკაჭიშვილი სამხატვრო აკადემიის კურსდამთავრებული და მხატვართა კავშირის წევრი გახლდათ 1978 წლიდან. მას გამართული აქვს გამოფენები როგორც საქართველოში, ასევე მის ფარგლებს გარეთ - ბულგარეთში, მოსკოვსა და გერმანიაში. მხატვრის ნამუშევრები ინახება საქართველოს ეროვნულ მუზეუმში, ქუთაისის სამხატვრო გალერეაში; ევროპისა და აზიის კერძო კოლექციებში.
პროფესიით არქეოლოგის, მანანა კაჭკაჭიშვილის მხატვრობაში კი ნახავთ აღმოსავლურ და თბილისურ მოტივებზე შესრულებულ პორტრეტებსა და სიუჟეტებს, რომელთაც ფერადოვანი გამა გამოარჩევთ.
გამოფენის გახსნა: 16 მარტი, 2019 | 16:00
გამოფენის ხანგრძლივობა: 16-30 მარტი, 2019
მისამართი: იოსებ გრიშაშვილის სახელობის თბილისის ისტორიის მუზეუმი (ქარვასლა), სიონის ქუჩა 8

იოსებ გრიშაშვილის სახელობის თბილისის ისტორიის მუზეუმი (ქარვასლა)
სიონის ქუჩა 8.
16 მარტი - 30 მარტი
---
გამოფენა ეროვნული არქივის კინოთეატრში 22 მარტს ქართული ანიმაციური ფილმების კვირეული გაიხსნება.

პროექტის ფარგლებში პირველი ჩვენება 22-28 მარტს საქართველოს ეროვნული არქივის კინოთეატრში გაიმართება: ნაჩვენები იქნება საქართველოს ეროვნულ არქივსა და კინოსტუდია „ქართული ფილმში“ დაცული 9 მოკლემეტრაჟიანი ქართული მულტფილმი, რომლის რესტავრაცია უკვე განხორციელდა.

დასწრება თავისუფალია.

განრიგი:
22 მარტი - 18:00
23 მარტი - 15:00, 18:00
24-27 მარტი - 15:00
28 მარტი - 19:00

„წუნა და წრუწუნა“ (1962 წელი)
„ბომბორა სწავლას იწყებს“ (1973 წელი)
„სახლობანა“ (1973 წელი)
„საზამთრო“ (1974 წელი)
„თერძი ბესო“ (1977 წელი)
„ხელმარჯვე ოსტატის საჩუქარი“ (1983 წელი)
„ყარყატის შვილობილი“ (1985 წელი)
„მძლეთამძლე“ (1991 წელი)
„სანუკვარი ოცნება“ (1989 წელი).

ეროვნული არქივის კინოთეატრი
ვაჟა-ფშაველას გამზ. 1 / პეკინის გამზ. 40
http://www.info-tbilisi.com/galleryofnationalarchives
22 მარტი - 28 მარტი
---
გამოფენა საქართველოს ეროვნული მუზეუმი და ვარშავის აჯანყების მუზეუმი წარმოგიდგენთ გამოფენას „ვარშავის აჯანყება 1944“ სიმონ ჯანაშიას სახელობის საქართველოს მუზეუმის საბჭოთა ოკუპაციის საგამოფენო დარბაზში.
გამოფენა მოგვითხრობს 1944 წლის ვარშავის აჯანყების 63 დღის შესახებ - დამოუკიდებლობისთვის ბრძოლის სამხედრო, პოლიტიკურ, ისტორიულ და ადამიანურ ასპექტებზე.
გამოფენაზე წარმოდგენილი თანამედროვე გრაფიკული ილუსტრაციები ასახავს ვარშავის ისტორიას სინამდვილით და ლეგიტიმურობით. მნიშვნელოვან ფაქტებზე დაფუძნებული ნარატივი ვიზიტორებს პოლონეთის ისტორიას აცნობს. გამოფენაზე წარმოდგენილია ფოტოები ვარშავის აჯანყების მუზეუმის კოლექციებიდან. სპეციალურად საქართველოსთვის მომზადებული ექსპოზიცია ასახავს ქართველი ოფიცრების მონაწილეობასა და მათ წვლილს მეორე მსოფლიო ომამდე და ომის პერიოდში.


გამოფენის გახსნა: 11 აპრილი, 17:00
გამოფენის ხანგრძლივობა: 11-30.04.2019
მისამართი: სიმონ ჯანაშიას სახელობის საქართველოს მუზეუმი, შ. რუსთაველის გამზ. 3

სიმონ ჯანაშიას სახელობის საქართველოს მუზეუმი
შ. რუსთაველის გამზ. 3
11 აპრილი - 30 აპრილი
---
გამოფენა ფელიქს ვარლამიშვილის (ვარლა) ნამუშევრების გამოფენა
გამოფენის გახსნა: 2019 წლის 23 იანვარი, 17:00 საათი
ორგანიზატორები: გალერეა შარდენი და საქართველოს ეროვნული მუზეუმი

დ. შევარდნაძის სახელობის ეროვნული გალერეა
საქართველოს ეროვნული მუზეუმი გიწვევთ ფელიქს ვარლამიშვილის (ვარლა) გამოფენის გახსნაზე დ. შევარდნაძის სახელობის ეროვნულ გალერეაში.
გამოფენაზე ფართო საზოგადოებისათვის პირველად იქნება წარმოდგენილი ავტორის 60-ზე მეტი ფერწერული ნამუშევარი საქართველოს ეროვნული მუზეუმისა და კერძო კოლექციებიდან.

რუსთაველის გამზირი 11
http://www.info-tbilisi.com/galleryofnationalarchives/
23 იანვარი - 24 თებერვალი
---
გამოფენა ფოტოგამოფენა „დიეგო და ფრიდა. ღიმილი შუა გზაზე“

„დიეგო და ფრიდა“. ღიმილი შუა გზაზე“ - საქართველოს ეროვნული მუზეუმი, მექსიკის შეერთებული შტატების საელჩო საქართველოში და საქართველოს საგარეო საქმეთა სამინისტრო სიღნაღის მუზეუმში წარმოგიდგენთ ფოტოგამოფენას დიეგო რივერასა და ფრიდა კალოს სტუდია-მუზეუმიდან (Museo Casa Estudio Diego Rivera y Frida Kahlo).
მე-20 საუკუნის ამ ცნობილი წყვილის პირადი ცხოვრების ამსახველი გამოფენა პირველად 2002 წელს მოეწყო დიეგო რივერასა და ფრიდა კალოს სტუდია-მუზეუმში. მას შემდეგ გამოფენა მოგზაურობს სხვადასხვა ქვეყანაში.
სიღნაღის მუზეუმის ექსპოზიციაზე იხილავთ ფრიდასა და დიეგოს ყოველდღიური ცხოვრების ამსახველ 100-მდე ფოტონამუშევარს. მექსიკის ხელოვნების ისტორიაში გამორჩეული წყვილის ყოველდღიური ცხოვრება, ხელმეორედ ქორწინება, სახელოსნოში მუშაობის პროცესი მოექცა არაერთი ფოტოგრაფის ობიექტივში. მათ შორის არიან: გილერმო კალო, პიტერ ჯული, გილერმო ზამორა, ნიკოლა მიურეი, ედვარდ ვესტონი, მანუელ ალვარეს ბრავოსა და ხუან გუსმანი.
16:00

სიღნაღის მუზეუმი, შ. რუსთაველის ჩიხი 8. სიღნაღი, საქართველო

28 სექტემბერი - 7 ნოემბერი
---
გამოფენა გამოფენა „ვიყოთ ერთად“
18 ოქტომბერს, საქართველოს ეროვნული მუზეუმის თბილისის ისტორიის მუზეუმი, პროექტის „თანამედროვე ხელოვნების გალერეა" ფარგლებში, გიწვევთ გამოფენაზე „ვიყოთ ერთად".
გამოფენა წარმოადგენს პროექტის „ლოკალურიდან გლობალურამდე" ნაწილს და გვიჩვენებს ბრიტანელი და ქართველი მხატვრების ორკვირიანი ვორქშოფის შედეგად შექმნილ ნამუშევრებს. „ვიყოთ ერთად" გულისხმობს ადამიანთა ჯგუფს (რომლებიც ერთად იკრიბებიან) და შეგროვების, მოძიებისა და შეკრების აქტს.
„არტელი რაჭა" ორი კვირის განმავლობაში მხატვრებისათვის განსაკუთრებული ადგილი გახდა. ვორქშოფმა შექმნა სივრცე გარემოს შესწავლისა და ექსპერიმენტისათვის, აქტიურ პროცესებზე დაკვირვებით ერთმანეთისგან სწავლისათვის, უცნობისა და ნაცნობის ერთად აღმოჩენისათვის. შეიქმნა კულტურული განსხვავებების აღნიშვნის სივრცე და ბრიტანელ და ქართველ ხელოვანთათვის შემდგომი თანამშრომლობის პერსპექტივები.

იოსებ გრიშაშვილის სახელობის თბილისის ისტორიის მუზეუმი (ქარვასლა)
სიონის ქუჩა 8.
18 ოქტომბერი - 2 ნოემბერი
---
გამოფენა 19 ოქტომბერს 18:30, საქართველოსა და იტალიის ურთიერთობების შესახებ საარქივო დოკუმენტებისა და ფოტოების გამოფენა სახელწოდებით - „საქართველო და იტალია მეგობრობის ისტორია“ იუსტიციის სამინისტროს ეროვნული არქივის საგამოფენო პავილიონში გაიხსნება.
ღონისძიებას დაესწრებიან: იტალიის ელჩი საქართველოში ანტონიო ენრიკო ბარტოლი, იუსტიციის სამინისტროს, დიპლომატიური კორპუსის, სახელმწიფო, საგანმანათებლო დაწესებულებების წარმომადგენლები.
საქართველოსა და იტალიას შორის ურთიერთობის ამსახველ გამოფენაზე წარმოდგენილი იქნება ორი ქვეყნის მეგობრობის დამადასტურებელი დოკუმენტები, წერილები და ფოტომასალა, XVII საუკუნიდან დღემდე.



19 ოქტომბერი - 19 ნოემბერი
---
გამოფენა მე-20 საუკუნის ცნობილი წყვილის პირადი ცხოვრების ამსახველი გამოფენა „დიეგო და ფრიდა. ღიმილი შუა გზაზე" პირველად 2002 წელს მოეწყო დიეგო რივერასა და ფრიდა კალოს სტუდია-მუზეუმში (Museo Casa Estudio Diego Rivera y Frida Kahlo), საიდანაც მოგზაურობს სხვადასხვა ქვეყანაში.

ამჯერად თბილისში, ექსპოზიციაზე იხილავთ ფრიდასა და დიეგოს ყოველდღიური ცხოვრების ამსახველ 100-მდე ფოტონამუშევარს. მექსიკის ხელოვნების ისტორიაში გამორჩეული წყვილის ყოველდღიური ცხოვრება, ხელმეორედ ქორწინება, სახელოსნოში მუშაობის პროცესი მოექცა ისეთი ფოტოგრაფების ობიექტივში როგორებიც არიან: გილერმო კალო, პიტერ ჯული, გილერმო ზამორა, ნიკოლა მიურეი, ედვარდ ვესტონი, მანუელ ალვარეს ბრავოსა და ხუან გუსმანი.

დიეგიოსა და ფრიდას ურთიერთობა 25 წელს გაგრძელდა - ქორწინებიდან (1929) ფრიდას გარდაცვალებამდე (1954). ქორწინება სავსე იყო სიყვარულით, სიძულვილითა და ბრძოლით. ისინი არაერთხელ გაშორდნენ და შერიგდნენ. უთანხმოებებისა და განშორებების მიუხედავად, ორივემ ისწავლა თუ როგორ უნდა ჰყვარებოდათ ერთმანეთი და შეენარჩუნებინათ ურთიერთობა.

სიმონ ჯანაშიას სახელობის საქართველოს მუზეუმი
შ. რუსთაველის გამზ. 3
30 ოქტომბერი - 4 ნოემბერი
---
გამოფენა საქართველოს ეროვნული მუზეუმი, კატინის მუზეუმთან და პოლონურ ინსტიტუთან თანამშრომლობით, წარმოგიდგენთ გამოფენას „კატინი - დღე განსაკუთრებულად დაიწყო" სიმონ ჯანაშიას სახელობის საქართველოს მუზეუმის ოკუპაციის საგამოფენო დარბაზში.

გამოფენა ეძღვნება საბჭოთა ოკუპაციის დროს კატინში დაღუპულთა ხსოვნას.

კატინის ხოცვა-ჟლეტის დროს დაიღუპა დაახლოებით 22 ათასი პოლონელი ტყვე. მათი მკვლელობა მოხდა 1940 წლის გაზაფხულზე შინაგან საქმეთა სახალხო კომისარიატის (НКВД-ს) დანაყოფების მიერ. ტყვეთა ოჯახის წევრების მიმართ განხორციელდა რეპრესიები, გადასახლებები. იყო ხანგრძლივი დუმილი საერთაშორისო არენაზე საბჭოთა რეჟიმის მიერ განხორციელებულ გენოციდზე, მაშინ როცა მასობრივი სიკვდილით დასჯის ისტორია საბჭოთა ოკუპაციის ქვეშ მყოფი პოლონელებისთვის რთული ეტაპის დასაწყისი იყო.

სიმონ ჯანაშიას სახელობის საქართველოს მუზეუმი
შ. რუსთაველის გამზ. 3
6 ნოემბერი - 30 ნოემბერი
---
გამოფენა ლია ბაგრატიონი - „შეშლილი ჩაის სმა“

საქართველოს ეროვნული მუზეუმი თბილისის ისტორიის მუზეუმში, პროექტის „თანამედროვე ხელოვნების გალერეა" ფარგლებში, წარმოგიდგენთ ლია ბაგრატიონის ნამუშევრების გამოფენას „შეშლილი ჩაის სმა". ლია ბაგრატიონის პერსონალური გამოფენა „შეშლილი ჩაის სმა“ მხატვრის ბოლოდროინდელი ნამუშევრებისგან შექმნილი ექსპოზიციაა. მათი ნაწილი სრულიად ახალი პროექტებია. ნაწილი შედარებით ძველი ნამუშევრების რეკონცეპტუალიზაცია, რაც მათ მეტ-ნაკლებ ვიზუალურ ტრანსფორმაციას იწვევს.
გამოფენა შემთხვევითობას, ხილულის და უხილავის, მახსოვრობის და მასალის ურთიერთქმედებას იკვლევს და ცდილობს უპასუხოს კითხვებს: როგორ ითარგმნება ეს ცნებები მასალის ენაზე? როგორ პასუხობს თიხა ესთეტიკურ ამოცანებს? როგორ ხდება თიხის ფუნქციურობის და ფიზიკურობის ვიზუალურ კონცეფციად გარდაქმნა?
გამოფენის ფარგლებში დაგეგმილია სამდღიანი ვორქშოფი უცხოელ ხელოვანებთან - მანუელ კანუსთან (დანია) და ალექსანდრა ენგელფრიტთან (ნიდერლანდები) ერთად, ასევე, მრგვალი მაგიდა და კატალოგის პრეზენტაცია. პროექტი “თანამედროვე ხელოვნების გალერეა” 2016 წლიდან ხორციელდება საქართველოს ეროვნული მუზეუმის მიერ, საქართველოს განათლების, მეცნიერების, კულტურისა და სპორტის სამინისტროს მხარდაჭერით, რომელიც მიზნად ისახავს თანამედროვე ხელოვნების სახელოვნებო ღონისძიებების მხარდაჭერას, როგორც ქვეყანაში, ასევე მის ფარგლებს გარეთ.
პროექტის ფარგლებში, დამთვალიერებელი გაეცნობა, ლია ბაგრატიონის მრავალმხრივი შემოქმედების ამსახველ გამოფენას, ფილმსა და კატალოგს. პროექტის ავტორი: ლია ბაგრატიონი, კურატორი: მაგდა გურული, კოორდინატორი: ლიკა მამაცაშვილი.

გამოფენის გახსნა: 29 ნოემბერი, 19:00 საათი
ვორქშოფი: 30 ნოემბერი, 1 და 2 დეკემბერი, 11:00-დან 13:00 საათამდე
მრგვალი მაგიდა: 8 დეკემბერი, 14:00-16:00
გამოფენის ხანგრძლივობა: 29 ნოემბერი, 2018 – 20 იანვარი, 2019
მისამართი: იოსებ გრიშაშვილის სახელობის თბილისის ისტორიის მუზეუმი (ქარვასლა), სიონის ქუჩა 8.

იოსებ გრიშაშვილის სახელობის თბილისის ისტორიის მუზეუმი (ქარვასლა)
სიონის ქუჩა 8.
29 ნოემბერი - 20 დეკემბერი
---
გამოფენა საქართველოს ეროვნული მუზეუმი,წარმოგიდგენთ უშანგი ხუმარაშვილის საუბილეო გამოფენას „უშანგი ხუმა 70”.

ექსპოზიციაზე წარმოდგენილი იქნება მხატვრის როგორც ადრეული, ისე უახლესი ნამუშევრები – მისი შემოქმედების ერთგვარი რეტროსპექტივა. მისი შემოქმედების ერთგვარი რეტროსპექტივა მხატვრის ნამუშევრებს ახალი კრიტიკის ერთგვარ არეალში წარმოაჩენს.
დ. შევარდნაძის სახელობის ეროვნული გალერეა
რუსთაველის გამზირი 11
http://www.info-tbilisi.com/galleryofnationalarchives/
4 დეკემბერი - 20 იანვარი
---




თბილისის აფიშა
<< April 2019 >>
ორ სმ ოთ ხთ პრ შბ კვ
1234567
891011121314
15161718192021
22232425262728
2930     
რეკლამა
---
AD