ინფო-თბილისი, საქართველო
თავფურცელი
თბილისის აფიშა
ინფო-თბილისის გზამკვლევი
ინფო-თბილისი თრეველი
დაჯავშნა
ქალაქი თბილისი
ოფიციალური ინფორმაცია
ღირსშესანიშნაობები
თბილისის რუქა
დასვენების პარკები
ფოტო გალერეა
საჭირო ინფორმაცია
ჩვენს შესახებ
შემოგვიერთდით
ინფო-თბილისი ელ-ფოსტა 



თბილისის აფიშა
<< January 2017 >>
ორ სმ ოთ ხთ პრ შბ კვ
            1
2345678
9101112131415
16171819202122
23242526272829
3031     







ENG | GEO | RUS

ქალაქი თბილისი
ქალაქი თბილისი
---

ჩავფრინდით თბილისში, შემდეგ?

მე რომ ქართული ენა არ ვიცი?

რა ფული უნდა ვიქონიო საქართველოში, საბჭოთა მანეთები?

სასტუმრო მინდა თბილისში!

კარგი, დავბინავდი.. თავისუფალ დროს რა ვქნა?

რა შეიძლება ვნახო თბილისში?

ჩემი მანქანა სახლში დავტოვე, თბილისსში რით ვიმოძრაო?

რაც შეეხება ღამის ცხოვრებას თბილისში?

ხომ არავინ გამქურდავს ქალაქში?

და ბოლოს...

ჩავფრინდით თბილისში, შემდეგ?
აეროპორტი დედაქალაქიდან 20 კმ-ს დაშორებით მდებარეობს. მგზავრთა გადაყვანას ემსახურება როგორც ქართული ავიაკომპანიები, ასევე უცხოურიც. აეროპორტიდან ქალაქში მოხვედრაა არანაირ სირთულესთან არაა დაკავშირებული. ამისთვის არსებობს რამოდენიმე გზა:
1. თბილისში ჩამოსვლამდე დაუკავშირდეთ რომელიმე კომპანიას და შეუთანხმდეთ რომ დაგხვდნენ და მიგიყვანონ დანიშნულების ადგილამდე. ეს ვარიანტი თქვენთვის მითუმეტეს კარგია თუ ქალაქში ღამით გიწევთ ჩამოსვლა. ერთ-ერთი ასეთი კომპანიის მისამართს აქვე მიგინიშნებთ რომ ძებნაში დრო არ დაკარგოთ: www.airport-transfer.ge
2. ესაა ავტობუსი (37 ნომერი), რომელიც სულ რაღაც 50 თეთრი ღირს და დილის 8 საათიდან საღამოს 8 საათამდე მუშაობს. ეს ტრანსპორტი რა თქმა უნდა დანიშნულების ადგილამდე ვერ მიგიყვანთ, მაგრამ მისი დახმარებით ქალაქის ერთ-ერთ ცენტრალურ უბანში აღმოჩნდებით, შემდეგ ჩვეულებრივი საზოგადოებრივი ტრანსპორტით შეგიძლიათ ისარგებლოთ. ავტობუსი მუშაობს 08:00 სთ-დან 20:00 სთ-მდე და სულ რაღაც 50 თეთრი ღირს.
3. აეროპორთთან ახლოს მდებარეობს რკინიგზის სადგური, საიდანაც ოველ 40 წუთში გადის კომფორტული მატარებელი, სადაც 100 კაცის მოთვსებაა შესაძლებელი. აეროპორტიდან თბილისის ცენტრალურ რკინიგზის სადგურზე სულ რაღაც 20 წუთში მოხვდებით. ბილეთის ღირებულებაა 2 ლარი.
4. ყველაზე კომფორტული და სწრაფია ტაქსი. ის თქვენ სასურველ ადგილამდე მიგიყვანთ. არც დიდი ხნის ძებნა დაგჭირდებათ, ტაქსის მძღოლები თავად მოგძებნიან. რა თქმა უნდა ავტობუსთან შედარებით, ტაქსის ტარიფი უფრო მაღალია. ფასი 15 ლარიდან იწყება იმისდამიხედვით თუ სად მიდიხართ, ქალაქის ცენტრში თუ ქალაქის ბოლოში. ტარიფი აუცილებლად წინასწარ უნდა შეუთნხმოთ, რომ ადგილზე მისულს მძღოლმა ფასი იმაზე მეტი არ გითხრათ ვიდრე ეს რეალურად ღირს.

მე რომ ქართული ენა არ ვიცი?
ალბათ კიდევ რაც დაგაინტერესებთ ენის ბარიერია. ნურც მაგის შეგეშინდებათ. თუ ინგლისურად და რუსულად ლაპარაკობთ, აუცილებლად მიახვედრებთ თბილისელს თქვენს სათქმელს. რამოდენიმე ქართულის სიტყვაც თუ გეცოდინებათ, ხომ უფრო უკეთესი. ასე რომ პატარა ლექსიკონს აქვე შემოგთავაზებთ და თუ სურვილი გაგიჩნდებათ შეგიძლიათ გადახედოთ: ლექსიკონს

რა ფული უნდა ვიქონიო საქართველოში, საბჭოთა მანეთები?
არა საბჭოთა მანეთები ნამდვილად არ გამოგადგებათ. აქ ძირითადი ვალუტა ქართული ლარია. მაგრამ აეროპორტშიც და საერთოდ ძალიან ბევრგანაა გახსნილი ვალუტის გადამცვლელი პუნქტები და ბანკის ფილიალები. მათ ადვილად იცნობთ გამოფენილი აბრებით, რომელიც ვალუტის კურს გვიჩვენებს. ასევე შეგიძლიათ ბანკების ადგილმდებარეობებს ეხლავე გადახედოთ ამ მისამართზე: ბანკები

სასტუმრო მინდა თბილისში!
თუ თბილისში მეგობართან არ ჩამოდიხართ, მაშინ აუცილებლად დაგჭირდებათ სასტუმრო.... ჩვენი დედაქალაქი სასტუმროების ნაკლებობას ნამდვილად არ განიცდის. თუ ქალაქში პირველად ჩამოდიხართ და არ იცით რომელ სასტუმროში გაჩერდეთ, აქაც აეროპორტის მსგავსად რამოდენიმე ვარიანტი გაქვთ. 1. ჩამოსვლამდე იზრუნოთ სასტუმროს შერჩევასა და დაჯავშნაზე. ან 2. რომ ჩამოხვალთ შემდეგ შეარჩიოთ სასტუმრო, რა თქმა უნდა ეს ბოლო გზა ნაკლებად კომფორტულია დაღლილსა და ნამგზავრზე. მითუმეტეს თუ ღამის საათებში მოგიწიათ ჩამოსვლა. უფრო სასურველია ჩამოსვლამდე შეუდგეთ სასტუმროს შერჩევას და დაჯავშნოთ წინასწარ თქვენთვის სასურველი ნომერი. ფასები 30$ იწყება და 300$ ადის. აქაც წინასწარ პატარა დახმარებას გაგიწევთ და შემოგთავაზებთ იმ ინტერნეტ რესურსებს საიდანაც შეგიძლიათ შეარჩიოთ სასტუმრო და დაჯავშნოთ: www.info-tbilisi.com/hotels.

კარგი, დავბინავდი.. თავისუფალ დროს რა ვქნა?
ეხლა უკვე რადგან დაბინავდით და დაისვენეთ, ალბათ წახემსებაზეც არ იტყოდით უარს. შეგიძლიათ სასტუმროს რესტორანში ჩაისეირნოთ, ან ნომერში შეუკვეთოთ სადილი ან ვახშამი. მაგრამ თქვენ თუ სასტუმროს გარეთ გსურთ გასეირნება, მაშინ, ეს გვერდი ნამდვილად გაგიწევთ მეგზურობას. www.info-tbilisi.com/restaurants . თბილისის რესტორნები ნებისმიერი გემოვნების გურმანს დააკმაყოფილებს. თბილისში მრავლადაა რა თქმა უნდა ქართული და არა მარტო, აგრეთვე რუსული, ავსტრიული, იტალიური (ქართველები იტალიელებს განსაკუთრებით კარგად ვუგებთ) ზოგადად ევროპული და აზიური სამზარეულოს მქონე რესტორნები. ბუნებრივია რახან საქართველოში ჩამოსვლა გადაწყვიტეთ, უგემრიელესი ქართული კერძების გასინჯვაც მოგინდებათ. ამისთვის საკმარისია რომელიმე ქართულ რესტორანს მიაკითხოთ, რამოდენიმეს ჩამონათვალს ჩვენც შემოგთავაზებთ: წისქვილი, ფაეტონი, ძველი სახლი, გორგასალი.

რა შეიძლება ვნახო თბილისში?
თბილისი უძველესი ქალაქია და აქ მრავლადაა ულამაზესი ისტორიული ძეგლები, შეგიძლიათ გაისეირნოთ ქალაქში და დაათვალიეროთ ღირშესანიშნავი ადგილები. ეს მისამართი www.travel.info-tbilisi.com. დაგეხმარებათ აირჩიოთ სასურველი ტური არა მარტო თბილისში, არამედ მთელი საქართველოს მასშტაბით. ასევე შეგიძლიათ გიდის მომსახურებით ისარგებლოთ, რომელიც უკეთეს მეგზურობას გაგიწევთ და უფრო მეტ ინფორმაციას მოგაწვდით საქართველოში არსებული ღისშესანიშანობების შესახებ. ყველაფრის დათვალიერების შემდეგ აუცილებლად გაგიჩნდებათ სურვილი სამახსოვროდ ქართული სუვენირების შეძენისა. რამოდენიმე ადგილს ჩვენ მიგასწავლით... ჩარდახი შარდენის ქ. N17 ტელ: (+995 32) 755 399; დანო რუსთაველის გამზ. N5 ტელ: (+995 99) 989 802; სუვენირები ერეკლე II ქ. N11 ტელ: (+995 32) 322 288.

ჩემი მანქანა სახლში დავტოვე, თბილისსში რით ვიმოძრაო?
რაც შეეხება იმას, თუ რითი უნდა იმოძრაოთ ქალაქში, ამაზეც გეტყვით რამოდენიმე სიტყვით. თქვენ შეგიძლიათ ტაქსი გამოიძახოთ, სამარშუტო ტაქს დაელოდოთ, რომელსაც ნამდვილად ვერ იხილავთ ცენტრალურ უბნებში, ავტობუსით გადაადგილდეთ, ან მიწისქვეშა ტრანსპორტს, მეტროს, მიმართოთ, რომელიც ყველაზე სწრაფი გადაადგილების საშუალებაა თბილისში. თუ უფრო მეტი ინფორმაციის მიღება გსურთ საზოგადოებრივი ტრანსპორტის შესახებ, თავს აღარ შეგაწყენთ და მისამართს მიგითითებთ თუ სად შეიძლება წაიკითხოთ მის შესახებ: საჭირო ინფორმაცია.
ასევე შეგიძლიათ მანქანის დაქირავებაც, იხილეთ: მანქანების გაქირავება

რაც შეეხება ღამის ცხოვრებას თბილისში?
საღამო ხანს შეგიძლიათ რომელიმე ლუდის ბარში წახვიდეთ, მიირთვათ როგორც ქართული ასევე უცხოური ლუდი და მოუსმინოთ ცოცხალ მუსიკას.ძირითადად თბილისში 3 ქუჩაა სადაც ყოველი ფეხის ნაბიჯზე შეხვდებით ბარებს. ესენია ახვლედიანის ქ. (პეროვსკაია), ქიაჩელის ქ. და შარდენი (თბილისის ძველ ისტორიულ უბანში). ისე მთელ თბილისშია მიმოფანტული ლუდის ბარები. ცოცხალი მუსიკა ყველგან საღამოს 9-დან ღამის 12 საათამდეა. ამ მისამართზე ბარები თქვენ შეგიძლიათ დაათვალიეროთ რამოდენიმე ბარი თავის ინტერიერიტა და მენიუთი... შეგიძლიათ მაგიდაც კი დაჯავშნოთ წინასწარ. და ბოლოს თუ არ გეძინებათ და ღამის ცხოვრება გიზიდავთ, არც მაშინ მოიწყენთ. თბილისში მრავლადაა ღამის კლუბები, თქვენ აუცილებლად შეარჩევთ თქვენთვის სასურველ კლუბს. რამოდენიმეს კი ამ მისამართზე იხილავთ: კლუბები.

ხომ არავინ გამქურდავს ქალაქში?
ხო მართლა, უსაფრთხოების მხრივ ნამდვილად ნუ შეშინდებათ თბილისის საპატრულო პოლიცია 24 საათის განმავლობაში მოძრაობს ქალაქში. თქვენ ნამდვილად უსაფრთხოდ იგრძნობთ თავს. თუმცა საზოგადოებრივ თავშეყრის ადგილებში საფულისა და მობილურის უყურადღებოთ დატოვებას მაინც არ გირჩევთ.

და ბოლოს...
ჩვენ ვეცადეთ მოკლედ მოგვეწოდებინა ის ინფორმაცია რაც ჩვენი აზრით უცხო ქალაქში ჩამოსვლისას გამოგადგებოდათ. თუ თქვენ დამატებით კიდევ რაიმე გაინტერესებთ მაშინ მოგვწერეთ და ჩვენ აუცილებლად გიპასუხებთ.

სასიამოვნო დროის გატარებას გისურვებთ თბილისში!..

P.S.
- ხელის ჩამორთმევა და გადაკოცნა ქართველებისთვის მისალმების მიღებული ფორმაა
- ქართველები არიან სტუმართმოყვარე და მეგობრული ხალხი, რომლებიც თვლიან რომ "სტუმარი ღვთისაა"
- ქართველს არანაირი ფორმით არ უნდა შეაგინოთ (არცერთ ენაზე, შეიძლება უცხოენა არ იცოდეს, მაგრამ გინება ყველა ენაზე ესმის :)
- გეიკლუბი, სექსშოპი... არ ეძებოთ თბილისში, მაინც ვერსად იპოვით
- ალერსი საზოგადოების თავშეყრის ადგილებში არ არის მიღებული
- ქართველებში მიღებულია ალკოჰოლური სასმელის მიღების დროს თითოეულ ჭიქის დალევისას სადღეგრძელოს წარმოთქმა.
- აუცილებლად გასინჯეთ ხინკალი, ხაჭაპური, ტრადიციული ქართული ღვინო და ჭაჭა (არაყი).

ფოტო გალერეა
---


იხილეთ ყველა სურათი »